ਸੋਨੀਆ ਗਾਂਧੀ ਕੋਲ ਕੈਪਟਨ ਅਮਰਿੰਦਰ ਨੇ ਕੀਤਾ ਵੱਡਾ ਦਾਅਵਾ, ਅੱਗੋਂ ਸੋਨੀਆ ਦੇ ਸਵਾਲ ਨੇ ਕਾਂਗਰਸੀ ਪਾਏ ਸੋਚੀ

ਕਾਂਗਰਸ ਦੀ ਕਮਾਨ ਸੰਭਾਲਣ ਮਗਰੋਂ ਸੋਨੀਆ ਗਾਂਧੀ ਨੇ ਕਾਂਗਰਸ ਦੀਆਂ ਸਰਕਾਰਾਂ ਵਾਲੇ ਰਾਜਾਂ ਨੂੰ ਲੋਕਾਂ ਦੀਆਂ ਉਮੀਦਾਂ ਉੱਤੇ ਖਰੇ ਉੱਤਰਣ ਦੀਆਂ ਹਦਾਇਤਾਂ ਦਿੱਤੀਆਂ ਹਨ। ਦਿਲਚਸਪ ਗੱਲ ਹੈ ਕਿ ਕਾਂਗਰਸ ਦੇ ਮੁੱਖ ਮੰਤਰੀਆਂ ਨੇ ਕਿਹਾ ਕਿ ਸੂਬਾ ਸਰਕਾਰਾਂ ਵਧੀਆ ਕੰਮ ਕਰ ਰਹੀਆਂ ਹਨ। ਇਸ ‘ਤੇ ਕਾਂਗਰਸ ਪ੍ਰਧਾਨ ਸੋਨੀਆ ਗਾਂਧੀ ਨੇ ਸਵਾਲ ਕੀਤਾ ਕਿ ਜੇਕਰ ਸੂਬਾ ਸਰਕਾਰਾਂ ਸਹੀ ਕੰਮ ਕਰ ਰਹੀਆਂ ਹਨ ਤਾਂ ਫਿਰ ਲੋਕ ਸਭਾ ਚੋਣਾਂ ਵਿੱਚ ਹਾਰ ਕਿਉਂ ਹੋਈ? ਸੋਨੀਆ ਗਾਂਧੀ ਵੱਲੋਂ ਸ਼ੁੱਕਰਵਾਰ ਨੂੰ ਕਾਂਗਰਸ ਸ਼ਾਸਿਤ ਰਾਜਾਂ ਦੇ ਮੁੱਖ ਮੰਤਰੀਆਂ ਨਾਲ ਕੀਤੀ ਮੀਟਿੰਗ ‘ਚ ਪੰਜਾਬ ਦੇ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ, ਰਾਜਸਥਾਨ ਦੇ ਮੁੱਖ ਮੰਤਰੀ ਅਸ਼ੋਕ ਗਹਿਲੋਤ,

ਮੱਧ ਪ੍ਰਦੇਸ਼ ਦੇ ਮੁੱਖ ਮੰਤਰੀ ਕਮਲ ਨਾਥ, ਛੱਤੀਸਗੜ੍ਹ ਦੇ ਮੁੱਖ ਮੰਤਰੀ ਭੂਪੇਸ਼ ਬਾਘੇਲ ਤੇ ਪੁੱਡੂਚੇਰੀ ਦੇ ਮੁੱਖ ਮੰਤਰੀ ਵੀ ਨਾਰਾਇਣਾਸਾਮੀ ਹਾਜ਼ਰ ਸਨ। ਇਸ ਮੌਕੇ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਨੇ ਸੋਨੀਆ ਗਾਂਧੀ ਕੋਲ ਦਾਅਵਾ ਕੀਤਾ ਕਿ ਉਨ੍ਹਾਂ ਦੀ ਸਰਕਾਰ ਵੱਲੋਂ ਕੀਤੇ ਗਏ 161 ਵਾਅਦਿਆਂ ਵਿੱਚੋਂ 140 ਪਹਿਲਾਂ ਹੀ ਪੂਰੇ ਕਰ ਦਿੱਤੇ ਗਏ ਹਨ। ਬਾਕੀਆਂ ਨੂੰ ਪੂਰੇ ਕਰਨ ਲਈ ਯਤਨ ਕੀਤੇ ਜਾ ਰਹੇ ਹਨ। ਕੈਪਟਨ ਨੇ ਕਿਹਾ ਕਿ ਉਨ੍ਹਾਂ ਦੀ ਸਰਕਾਰ ਤੇ ਲੋਕਾਂ ਦੇ ਚੁਣੇ ਹੋਏ ਪ੍ਰਤੀਨਿਧਾਂ ਵਿਚਾਲੇ ਬਿਹਤਰ ਤਾਲਮੇਲ ਬਣਾਇਆ ਜਾ ਰਿਹਾ ਹੈ। ਉਹ ਲਗਾਤਾਰ ਵਿਧਾਇਕਾਂ ਤੇ ਹੋਰ ਪ੍ਰਤੀਨਿਧਾਂ ਕੋਲੋਂ ਰਿਪੋਰਟਾਂ ਹਾਸਲ ਕਰਦੇ ਰਹਿੰਦੇ ਹਨ ਤੇ ਚੋਣਾਂ ਦੌਰਾਨ ਕੀਤੇ ਵਾਅਦੇ ਲਾਗੂ ਕੀਤੇ ਜਾ ਰਹੇ ਹਨ।

ਉਨ੍ਹਾਂ ਦੱਸਿਆ ਕਿ ਸੂਬੇ ਦੇ 42 ਲੱਖ ਪਰਿਵਾਰਾਂ ਨੂੰ ਸਿਹਤ ਬੀਮਾ ਯੋਜਨਾ ਤਹਿਤ ਲਿਆਂਦਾ ਗਿਆ ਹੈ। ਮੁੱਖ ਮੰਤਰੀਆਂ ਦੇ ਦਾਅਵੇ ਸੁਣ ਕੇ ਸੋਨੀਆ ਗਾਂਧੀ ਨੇ ਪੁੱਛਿਆ ਕਿ ਫਿਰ ਲੋਕ ਸਭਾ ਚੋਣਾਂ ਵਿੱਚ ਹਾਰ ਕਿਵੇਂ ਹੋਈ? ਉਨ੍ਹਾਂ ਕਿਹਾ, ‘‘ਮੈਂ ਇਹ ਕਹਿਣਾ ਚਾਹੁੰਦੀ ਹਾਂ ਕਿ ਪੰਜਾਬ, ਰਾਜਸਥਾਨ, ਮੱਧ ਪ੍ਰਦੇਸ਼, ਛੱਤੀਸਗੜ੍ਹ ਤੇ ਪੁੱਡੂਚੇਰੀ ਵਰਗੇ ਜਿਨ੍ਹਾਂ ਰਾਜਾਂ ਵਿੱਚ ਅਸੀਂ ਸੱਤਾ ਵਿੱਚ ਹਨ, ਉੱਥੇ ਸਾਡੀ ਵਿਸ਼ੇਸ਼ ਜ਼ਿੰਮੇਵਾਰੀ ਹੈ। ਇਹ ਰਾਜ ਸੰਵੇਦਨਸ਼ੀਲ ਤੇ ਜਵਾਬਦੇਹ ਪ੍ਰਬੰਧ, ਜ਼ਿੰਮੇਵਾਰੀ ਤੇ ਪਾਰਦਰਸ਼ੀ ਪ੍ਰਸ਼ਾਸਨ ਦੀ ਉਦਹਾਰਨ ਬਣਨੇ ਚਾਹੀਦੇ ਹਨ।’’

ਭੈਣ ਦੀ ਡੌਲੀ ਤੁਰਨ ਤੋਂ ਪਹਿਲਾ ਹੀ ਭਰਾ ਦੀ ਅਰਥੀ ਉਸ ਦੇ ਬੂਹੇ ਤੋਂ ਉੱਠ ਗਈ ,ਦੇਖੋ ਪੂਰੀ ਖਬਰ !

ਹੁਸ਼ਿਆਰਪੁਰ- ਮਾਪੇ ਆਪਣੇ ਬੱਚਿਆਂ ਨੂੰ ਕਮਾਈ ਕਰਨ ਲਈ ਵਿਦੇਸ਼ਾਂ ਵਿਚ ਭੇਜਦੇ ਹਨ ਪਰ ਉਨ੍ਹਾਂ ਨੂੰ ਕੀ ਪਤਾ ਕਿ ਉਨ੍ਹਾਂ ਦੇ ਕਮਾਊ ਪੁੱਤ ਘਰ ਨਹੀਂ ਮੁੜ ਕੇ ਆਉਣਗੇ। ਕੁੱਝ ਇਸੇ ਤਰ੍ਹਾਂ ਦਾ ਭਾਣਾ ਵਾਪਰਿਆ ਹੈ। ਹੁਸ਼ਿਆਰਪੁਰ ਦੇ ਪਿੰਡ ਕੂਰਾਲਾ ਕਲਾਂ ਦੀ ਇਸ ਮਾਂ ਨਾਲ ਜੋ ਰੋ-ਰੋ ਕੇ ਆਪਣੇ ਪੁੱਤਰ ਨੂੰ ਵਾਪਸ ਬੁਲਾ ਰਹੀ ਹੈ।

ਮਾਮਲਾ ਕੁੱਝ ਇਸ ਤਰ੍ਹਾਂ ਹੈ ਕਿ ਪਿੰਡ ਕੁਲਾਰਾ ਕਲਾਂ ਦਾ ਹਰਮਿੰਦਰ ਸਿੰਘ ਚਾਰ ਸਾਲ ਪਹਿਲਾ ਹੀ ਬੇਰੁਜ਼ਗਾਰੀ ਦੀ ਮਾਰ ਝੱਲਦਾ ਹੋਇਆ ਚੰਗੇ ਰੁਜ਼ਗਾਰ ਲਈ ਇਟਲੀ ਗਿਆ ਸੀ। ਇਟਲੀ ਵਿਚ ਉਹ ਇੱਕ ਡੇਅਰੀ ਫਾਰਮ ਵਿਚ ਕੰਮ ਕਰਦੇ ਸਮੇਂ ਖਾਦ ਵਾਲੇ ਟੈਂਕ ਵਿਚ ਆਪਣੇ ਤਿੰਨ ਸਾਥੀ ਸਮੇਤ ਡਿਗ ਗਿਆ ਅਤੇ ਉਸ ਦੀ ਮੌਤ ਹੋ ਗਈ।

ਹਰਮਿੰਦਰ ਦੀ ਮੌਤ ਤੋਂ ਬਾਅਦ ਉਸ ਦੇ ਘਰ ਵਿਚ ਮਾਤਮ ਛਾਇਆ ਹੋਇਆ ਹੈ। ਉਸ ਦੇ ਪਰਿਵਾਰਕ ਮੈਂਬਰਾਂ ਦਾ ਰੋ-ਰੋ ਕੇ ਬੂਰਾ ਹਾਲ ਹੈ। ਹਰਮਿੰਦਰ ਦੇ ਪਿਤਾ ਜੀ ਦੀ ਮੌਤ ਪਹਿਲਾ ਹੀ ਹੋ ਚੁੱਕੀ ਹੈ ਅਤੇ ਉਹ ਆਪਣੀਆਂ ਦੋ ਭੈਣਾਂ ਦਾ ਇਕੱਲਾ ਭਰਾ ਸੀ ਤੇ ਇੱਕ ਭੈਣ ਦਾ ਵਿਆਹ ਦਸੰਬਰ ਵਿਚ ਰੱਖਿਆ ਹੋਇਆ ਸੀ

ਪਰ ਕੁਦਰਤ ਨੂੰ ਕੁੱਝ ਹੋਰ ਹੀ ਮਨਜ਼ੂਰ ਸੀ ਕਿ ਭੈਣ ਦੀ ਢੋਲੀ ਤੁਰਨ ਤੋਂ ਪਹਿਲਾ ਹੀ ਭਰਾ ਦੀ ਅਰਥੀ ਉਸ ਦੇ ਬੂਹੇ ਤੋਂ ਉੱਠ ਗਈ।

ਕਿਸਾਨਾਂ ਲਈ ਵੱਡੀ ਖੁਸ਼ਖ਼ਬਰੀ,ਹੁਣ ਪੰਜਾਬ ਚ’ ਹੋਵੇਗੀ ਇਸ ਚੀਜ ਦੀ ਖੇਤੀ,ਦੇਖੋ ਪੂਰੀ ਖ਼ਬਰ

ਜ਼ਿਲ੍ਹਾ ਫਾਜ਼ਿਲਕਾ ਵਿੱਚ ਅੱਜ ਕਿਸਾਨ ਯੂਨੀਅਨ ਲੱਖੋਵਾਲ ਦੀ ਪੰਜਾਬ ਬਾਡੀ ਦੁਆਰਾ ਮੀਟਿੰਗ ਹੋਈ ਜਿਸ ਵਿੱਚ ਕਿਸਾਨਾਂ ਨੇ ਸਰਕਾਰ ਕੋਲੋਂ ਇੱਕ ਕਿੱਲਾ ਜ਼ਮੀਨ ਅੰਦਰ ਪੰਸਤ ਦੀ ਖੇਤੀ ਕਰਨ ਦੀ ਮਨਜ਼ੂਰੀ ਦੇਣ ਦੀ ਮੰਗ ਕੀਤੀ। ਉਨ੍ਹਾਂ ਕਿਹਾ ਕਿ ਇਸ ਨਾਲ ਪੰਜਾਬ ਦੇ ਕਿਸਾਨ ਖ਼ੁਸ਼ਹਾਲ ਹੋ ਸਕਦੇ ਹਨ ਤੇ ਸਰਕਾਰ ਨੂੰ ਵੀ ਚੰਗੀ ਕਮਾਈ ਹੋ ਸਕਦੀ ਹੈ।

ਇਸ ਮੌਕੇ ਕਿਸਾਨ ਯੂਨੀਅਨ ਲੱਖੋਵਾਲ ਦੇ ਜਨਰਲ ਸਕੱਤਰ ਹਰਿੰਦਰ ਸਿੰਘ ਲੱਖੋਵਾਲ ਨੇ ਦੱਸਿਆ ਕਿ ਜ਼ਿਲ੍ਹਾ ਫਾਜ਼ਿਲਕਾ ਵਿੱਚ ਸ਼ਨੀਵਾਰ ਉਨ੍ਹਾਂ ਗੁਰਭੇਜ ਸਿੰਘ ਨੂੰ ਜ਼ਿਲ੍ਹਾ ਫਾਜ਼ਿਲਕਾ ਕਿਸਾਨ ਯੂਨੀਅਨ ਲੱਖੋਵਾਲ ਦਾ ਪ੍ਰਧਾਨ ਥਾਪਿਆ ਹੈ। ਉਨ੍ਹਾਂ ਦੀ ਬਿਹਤਰ ਸੇਵਾ ਨੂੰ ਵੇਖਦਿਆਂ ਉਨ੍ਹਾਂ ਨੂੰ ਇਹ ਸੇਵਾ ਸੌਪੀ ਗਈ ਹੈ।

ਲੱਖੋਵਾਲ ਨੇ ਦੱਸਿਆ ਕਿ ਜ਼ਿਲ੍ਹੇ ਵਿੱਚ ਤਾਰਬੰਦੀ ਦੇ ਪਾਰ ਖੇਤੀ ਕਰਨ ਵਾਲੇ ਕਿਸਾਨਾਂ ਦਾ ਸਮਾਂ ਵਧਾਉਣ ਤੇ ਕਿਸਾਨਾਂ ਨੂੰ ਪੂਰਾ ਨਹਿਰੀ ਪਾਣੀ ਦਿਵਾਉਣ ਲਈ ਸੰਘਰਸ਼ ਕੀਤਾ ਜਾਏਗਾ। ਕਿਸਾਨਾਂ ਲਈ ਆਏ ਦਿਨ ਲੋਕਾਂ ਲਈ ਮੁਸੀਬਤ ਬਣਨ ਵਾਲੇ ਅਵਾਰਾ ਪਸ਼ੂਆਂ ਨਾਲ ਨਜਿੱਠਣ ਲਈ ਵੀ ਯਤਨ ਕੀਤੇ ਜਾਣਗੇ।

ਪੰਜਾਬੀਓ ਹੁਣ ਤੋਂ ਸੰਭਲ ਕੇ ਕਿਉਂਕਿ ਹੁਣ ਵਿਆਹ ਸ਼ਾਦੀਆਂ ਚ’ ਨਹੀਂ ਹੋਵੇਗਾ ਇਹ ਕੰਮ ਸਰਕਾਰ ਨੇ ਕਰਤਾ ਐਲਾਨ,ਦੇਖੋ ਪੂਰੀ ਖ਼ਬਰ

ਸ਼ਹਿਰ ‘ਚ ਕਾਨੂੰਨ ਵਿਵਸਥਾ ਦੇ ਮੱਦੇਨਜ਼ਰ ਪ੍ਰਸ਼ਾਸਨ ਨੇ ਇਕ ਵਾਰ ਫਿਰ ਤੋਂ ਦੇਰ ਰਾਤ ਚੱਲਣ ਵਾਲੇ ਰੈਸਟੋਰੈਂਟ ਤੇ ਪੱਬ ਬਾਰ ਦੀ ਸਮਾਂ ਸਾਰਣੀ ਨੂੰ ਸਖ਼ਤੀ ਨਾਲ ਲਾਗੂ ਕਰਨ ਦੇ ਆਦੇਸ਼ ਜਾਰੀ ਹੈ। ਡੀ. ਸੀ. ਵਲੋਂ ਜਾਰੀ ਆਦੇਸ਼ਾਂ ਮੁਤਾਬਕ ਡੀ. ਜੇ. ਜਾਂ ਤੇਜ਼ ਆਵਾਜ਼ ਵਾਲਾ ਮਿਊਜ਼ਿਕ ਸਿਸਟਮ ਹਰ ਹਾਲ ‘ਚ 10 ਵਜੇ ਤਕ ਬੰਦ ਕਰਨਾ ਹੋਵੇਗਾ।

ਇਹ ਹੀ ਨਹੀਂ ਰਾਤ 12 ਵੱਜਦੇ ਹੀ ਅਜਿਹੇ ਤਮਾਮ ਰੈਸਟੋਰੈਂਟਸ, ਕਲੱਬ, ਬਾਰ ਆਦਿ ਦਾ ਸ਼ਟਰ ਡਾਊਨ ਕਰਨਾ ਹੋਵੇਗਾ। ਜ਼ਿਲਾ ਪ੍ਰਸ਼ਾਸਨ ਵਲੋਂ ਜਾਰੀ ਕੀਤੇ ਗਏ ਆਦੇਸ਼ 16 ਸਤੰਬਰ ਤੋਂ ਲੈ ਕੇ 15 ਨਵੰਬਰ ਤਕ ਲਾਗੂ ਰਹਿਣਗੇ |ਦੱਸਿਆ ਜਾ ਰਿਹਾ ਹੈ ਕਿ ਪੁਲਸ ਰਾਤ ‘ਚ ਇਸ ਆਦੇਸ਼ ਨੂੰ ਸਖ਼ਤੀ ਨਾਲ ਲਾਗੂ ਕਰਨ ‘ਤੇ ਨਜ਼ਰ ਰੱਖੇਗੀ।

ਪੀ. ਸੀ. ਆਰ. ਦੇ ਬਾਈਕ ਦਸਤੇ ਤੇ ਕਾਰ ਸਵਾਰ ਟੀਮ ਲਗਾਤਾਰ ਆਪਣੇ ਏਰੀਏ ‘ਚ ਚੱਲ ਰਹੇ ਰੈਸਟੋਰੈਂਟਸ, ਕਲੱਬ, ਬਾਰ ਤੇ ਪੱਬ ਆਦਿ ਦੀ ਚੈਕਿੰਗ ਕਰਦੇ ਰਹਿਣਗੇ। ਇਸ ਦੌਰਾਨ ਕਿਤੇ ਪਾਬੰਦੀ ਦੇ ਆਦੇਸ਼ਾਂ ਦਾ ਉਲੰਘਣ ਹੋਵੇਗਾ ਤਾਂ ਉਹ ਪਹਿਲਾਂ ਮਾਲਿਕ ਨੂੰ ਸਾਵਧਾਨ ਕਰਨਗੇ। ਕਹਿਣਾ ਨਾ ਮੰਨਣ ‘ਤੇ ਸੰਬੰਧਿਤ ਥਾਣੇ ਨੂੰ ਸੂਚਿਤ ਕੀਤਾ ਜਾਵੇਗਾ ਤੇ ਤੁਰੰਤ ਪੁਲਸ ਟੀਮ ਉਥੇ ਪਹੁੰਚ ਕੇ ਕਾਰਵਾਈ ਕਰੇਗੀ।

ਔਰਤ ਦੇ ਖਾਤੇ ਵਿੱਚ ਆਏ 3.10 ਲੱਖ ਸੋਚਿਆ ਪ੍ਰਧਾਨ ਮੰਤਰੀ ਮੋਦੀ ਨੇ ਭੇਜੇ ਹਨ ਕਰਜ਼ ਉਤਾਰਿਆ ,ਪਤੀ ਨੂੰ ਲੈ ਕੇ ਦਿੱਤੀ ਬਾਇਕ ਪਰ ਜਦੋ ਸੱਚਾਈ ਪਤਾ ਲੱਗੀ ਤਾ ਰਹਿ ਗਈ ਹੈਰਾਨ !

ਜਿਲੇ ਦੀ ਕਰੇਰਾ ਤਹਿਸੀਲ ਦੇ ਸਿਰਸੋਨਾ ਪਿੰਡ ਦੀ ਔਰਤ ਮਮਤਾ ਕੋਲੀ ਨੇ ਥਬ ਏਮਪ੍ਰੈਸ਼ਨ ਮਸ਼ੀਨ ਨਾਲ 3.10 ਲੱਖ ਰੁਪਏ ਕਢਵਾ ਲਏ ਮਹਿਲਾ ਨੇ ਸੋਚਿਆ ਉਸਦੇ ਜਨਧਨ ਖਾਤੇ ਵਿਚ ਪ੍ਰਧਾਨ ਮੰਤਰੀ ਮੋਦੀ ਨੇ ਇਹ ਰਕਮ ਪਾਈ ਹੈ। ਖੁਸ਼ ਹੋ ਕੇ ਆਪਣਾ ਸਾਰਾ ਕਰਜ਼ਾ ਉਤਾਰ ਦਿੱਤਾ ਅਤੇ ਬਚੀ ਹੋਈ ਰਕਮ ਨਾਲ ਪਤੀ ਸੁਰੇਂਦਰ ਕੋਲੀ ਦੇ ਲਈ ਬਾਈਕ ਖੁਦ ਦੇ ਲਈ ਗਹਿਣੇ ਖਰੀਦ ਲਏ। ਜਦ ਬੈਂਕ ਦਾ ਅਮਲਾ ਪੁਲਸ ਦੇ ਨਾਲ ਉਸਦੇ ਘਰ ਗਿਆ ਅਤੇ ਸੱਚਾਈ ਦੱਸੀ ਤਾ ਉਹ ਸਿਰ ਫੜ ਕੇ ਬੈਠ ਗਈ ਮਹਿਲਾ ਨੇ ਰੋਂਦੇ ਹੋਏ ਕਿਹਾ ਮੈ ਇਹ ਕੀ ਕਰ ਦਿੱਤਾ ਉਸਦੇ ਕੋਲ ਮਿਲੇ 85 ਹਜ਼ਾਰ ਬੈਂਕ ਅਮਲ ਲੈ ਗਏ। ਬਾਕੀ ਪੈਸੇ ਦੇ ਲਈ ਮਹਿਲਾ ਨੂੰ ਸਮੇ ਦਿੱਤਾ ਗਿਆ। ਬੈਂਕ ਪ੍ਰਬੰਧਨ ਦਾ ਕਹਿਣਾ ਹੈ ਕਿ ਜੇਕਰ ਔਰਤ ਨੇ ਪੈਸੇ ਵਾਪਸ ਨਹੀਂ ਕੀਤੇ ਤਾ ਪੁਲਸ ਕਾਰਵਾਈ ਕਰਨਗੇ।

ਅਸਲ ਵਿਚ ਸਿਰਸੋਦ ਪਿੰਡ ਦੇ ਦੁਕਾਨਦਾਰ ਅਨਿਲ ਨਾਗਰ ਦੇ ਖਾਤੇ ਨਾਲ ਔਰਤ ਦਾ ਆਧਾਰ ਨੰਬਰ ਲਿੰਕ ਹੋ ਗਿਆ। ਮਹਿਲਾ ਨੂੰ ਵੀ ਇਸ ਗੱਲ ਦੀ ਜਾਣਕਾਰੀ ਨਹੀਂ ਸੀ। ਕਿਯੋਸਕ ਸੈਂਟਰ ਤੇ ਥਬ ਏਮਪ੍ਰੈਸ਼ਨ ਮਸ਼ੀਨ ਤੋਂ ਅੱਡ ਅੱਡ ਦਿਨ ਅੰਗੂਠਾ ਲਗਾ ਕੇ ਕੁੱਲ 3.10 ਲੱਖ ਰੁਪਏ ਕੱਢਵਾ ਲਏ। ਉਥੇ ਹੀ ਦੁਕਾਨਦਾਰ ਨੇ ਆਪਣੇ ਖਾਤੇ ਵਿੱਚੋ ਰਕਮ ਕੱਢਣ ਦੀ ਸ਼ਕਾਇਤ ਬੈਂਕ ਵਿਚ ਜਾ ਕੇ ਬ੍ਰਾਂਚ ਮਨੇਜਰ ਨੂੰ ਦੱਸੀ ਅਤੇ ਜਾਚ ਕਰਵਾਉਣ ਤੇ ਪਤਾ ਲੱਗਾ ਕਿ ਔਰਤ ਦਾ ਅਧਾਰ ਦੁਕਾਨਦਾਰ ਦੇ ਬੈਂਕ ਖਾਤੇ ਨਾਲ ਲਿੰਕ ਹੋ ਗਿਆ ਹੈ ਹਾਲਾਂਕਿ ਹੁਣ ਬੈਂਕ ਅਧਿਕਾਰੀਆਂ ਨੇ ਪੁਲਸ ਦੀ ਮਦਦ ਨਾਲ 85 ਹਜ਼ਾਰ ਰੁਪਏ ਔਰਤ ਤੋਂ ਹਾਸਲ ਕਰ ਲਏ ਹਨ। ਪਰ ਕਰਜ਼ਾ ਚੁਕਾਉਣ,ਬਾਈਕ ਖਰੀਦਣ ਅਤੇ ਗਹਿਣੇ ਲੈਣ ਦੇ ਬਾਅਦ ਬਾਕੀ ਰਕਮ ਚੁਕਾਉਣ ਵਿਚ ਔਰਤ ਆਪਣੀ ਮਾਲੀ ਹਾਲਤ ਠੀਕ ਨਾ ਹੋਣ ਦੀ ਗੱਲ ਕਹਿ ਕੇ ਬਾਕੀ ਰਕਮ ਚੁਕਾਉਣ ਤੋਂ ਅਸਮਰਥ ਦੱਸ ਰਹੀ ਹੈ।

ਦੂਜੇ ਪਾਸੇ ਅਨਿਲ ਨਾਗਰ ਦੀ ਕਪੜਿਆਂ ਦੀ ਦੁਕਾਨ ਹੈ ਉਹਨਾਂ ਦੱਸਿਆ 3.50 ਲੱਖ ਰੁਪਏ ਵਿਚ ਆਪਣਾ ਟਰੈਕਟਰ ਵੇਚ ਕੇ ਬੈਂਕ ਵਿਚ ਜਮਾ ਕਰਵਾਏ ਸੀ। ਛੋਟੇ ਭਰਾ ਨਰੇਂਦਰ ਨੂੰ 27 ਫਰਵਰੀ ਨੂੰ ਚੈਕ ਦੇ ਕੇ ਰੁਪਏ ਕਢਵਾਉਣ ਲਈ ਭੇਜਿਆ। ਬੈਂਕ ਤੋਂ ਭਰਾ ਦਾ ਫੋਨ ਆਇਆ ਕਿ ਖਾਤੇ ਵਿਚ ਪੈਸੇ ਨਹੀਂ ਹਨ। ਅਨਿਲ ਪਾਸਬੂਕ ਲੈ ਕੇ ਘਰ ਪਹੁੰਚਾ ਅਤੇ ਐਂਟਰੀ ਕਰਵਾਈ ਤਾ ਪਾਸ ਬੁਕ ਦਿਖਾਇਆ ਤਾ ਉਸਦੇ ਹੋਸ਼ ਉੱਡ ਗਏ। ਖਾਤੇ ਵਿੱਚੋ 3.10 ਲੱਖ ਨਿਕਲ ਚੁੱਕੇ ਸਨ। ਖਾਤੇ ਦੀ ਜਾਚ ਕਰਵਾਈ ਤਾ ਗਲਤ ਅਧਾਰ ਨੰਬਰ ਲਿੰਕ ਮਿਲਿਆ ਜੋ ਮਮਤਾ ਕੋਲੀ ਦਾ ਪਾਇਆ ਗਿਆ।

ਅਨਿਲ ਨੇ ਟਰੈਕਟਰ ਵੇਚ ਕੇ ਜੋ ਪੈਸੇ ਜਮਾ ਕਰਵਾਏ ਉਸ ਨਾਲ ਆਪਣੀ ਬੇਟੀ ਦਾ ਵਿਆਹ ਕਰਨਾ ਸੀ ਪੈਸੇ ਵਾਪਸ ਨਾ ਮਿਲਣ ਤੇ ਪੁਲਸ ਕਾਰਵਾਈ ਕਰਨਗੇ। ਪੁਲਸ ਦੇ ਨਾਲ ਔਰਤ ਦੇ ਘਰ ਗਏ ਸੀ 85 ਹਜ਼ਾਰ ਰੁਪਏ ਵਾਪਸ ਦੇ ਦਿੱਤੇ ਜੋ ਅਨਿਲ ਨਾਗਰ ਦੇ ਖਾਤੇ ਵਿਚ ਜਮਾ ਕਰਵਾ ਦਿੱਤੇ ਬਾਕੀ ਰਕਮ ਨਾ ਮਿਲਣ ਤੇ ਕਾਰਵਾਈ ਕਰਨ ਦੀ ਗੱਲ ਕੀਤੀ।

ਜਾਨੋਂ ਦੇਵ ਖਰੌਡ ਕਿਉਂ ਕਰਨਾ ਚਾਹੁੰਦਾ ਸੀ ਆਤਮ ਹੱਤਿਆ,ਦੇਖੋ ਪੂਰੀ ਵੀਡੀਓ !

ਰੁਪਿੰਦਰ ਗਾਂਧੀ ਤੋਂ ਮਿੰਟੂ ਗੁਰੂਸਰੀਆ ਬਣਨ ਲਈ ਦੇਵ ਦੀ ਕੀਤੀ ਮਿਹਨਤ ਮਿੰਟੂ ਗੁਰੂਸਰੀਆ ਦੀ ਸਵੈ ਜੀਵਨੀ ਡਾਕੂਆਂ ਦਾ ਮੁੰਡਾ ਦੇ ਟ੍ਰੇਲਰ ਵਿੱਚ ਦੇਖੀ ਗਈ ਹੈ। ਨਿਊਜ਼ 18 ਪੰਜਾਬ ਨਾਲ ਕੀਤੀ ਖ਼ਾਸ ਗੱਲਬਾਤ ਦੌਰਾਨ ਦੇਵ ਨੇ ਗਾਂਧੀ ਤੋਂ ਲੈ ਕੇ ਮਿੰਟੂ ਬਣਨ ਦੇ ਕਈ ਕਿੱਸੇ ਸਾਂਝੇ ਕੀਤੇ। ਦੇਵ ਜਿਨ੍ਹਾਂ ਨੂੰ ਅਸੀਂ ਕੁੱਝ ਸਾਲ ਪਹਿਲਾਂ ਜੁਗਨੂੰ ਮਸਤ ਮਸਤ ਵਿੱਚ ਭਗਵੰਤ ਮਾਨ ਨਾਲ ਲੋਕਾਂ ਨੂੰ ਹਸਾਉਂਦੇ ਹੋਏ ਵੀ ਦੇਖਿਆ ਹੈ, ਉਹ ਆਪਣੇ ਫ਼ਿਲਮਾਂ ਵਿੱਚ ਨਿਭਾਏ ਕਿਰਦਾਰਾਂ ਜਿੰਨੇ ਸੀਰੀਅਸ ਨਹੀਂ ਹਨ।

ਇਸ ਇੰਟਰਵਿਊ ਦੌਰਾਨ ਇੱਕ ਵੱਖਰੇ ਅੰਦਾਜ਼ ਵਿੱਚ ਨਜ਼ਰ ਆਏ ਦੇਵ ਨੇ ਭਾਵੇਂ ਅੱਜ ਤੱਕ ਗੰਭੀਰ ਰੋਲ ਕੀਤੇ ਨੇ ਪਰ ਉਨ੍ਹਾਂ ਦੀ ਅਸਲ ਜ਼ਿੰਦਗੀ ਹੱਸਿਆ ਦੀ ਪਟਾਰੀ ਹੈ। ਕਹਿੰਦੇ ਹਨ ਕਿ ਸੰਘਰਸ਼ ਤੇ ਮਿਹਨਤ ਦਾ ਮੁੱਲ ਭਾਵੇਂ ਦੇਰੀ ਨਾਲ ਪਵੇ ਪਰ ਪੈਂਦਾ ਜ਼ਰੂਰ ਹੈ। ਇਸ ਗੱਲ ਦਾ ਗਵਾਹ ਅਦਾਕਾਰ ਦੇਵ ਖਰੌੜ ਹੈ। ਦੇਵ ਉਹ ਅਦਾਕਾਰ ਹੈ ਜਿਸ ਨੇ ਲੰਬੇ ਸੰਘਰਸ਼ ਤੇ ਮਿਹਨਤ ਨਾਲ ਪੰਜਾਬੀ ਫਿਲਮ ਜਗਤ ਵਿਚ ਆਪਣੀ ਵੱਖਰੀ ਪਛਾਣ ਬਣਾਈ ਹੈ। ਪੰਜਾਬੀ ਫਿਲਮਾਂ ਦੇ ਐਕਸ਼ਨ ਹੀਰੋ ਬਣੇ ਦੇਵ ਨੂੰ ਉਸ ਦੀ ਮਿਹਨਤ ਅਜਿਹੀ ਰਾਸ ਆਈ ਹੈ ਕਿ ਅੱਜ ਉਹ ਪੰਜਾਬੀ ਫਿਲਮਾਂ ਦਾ ਚਰਚਿਤ ਹੀਰੋ ਹੈ।

ਉਸ ਦੀ ਹਰ ਫਿਲਮ ਸਿਨੇਮਾ ਖਿੜਕੀ ‘ਤੇ ਧਮਾਲ ਮਚਾਉਂਦੀ ਹੈ। ਦੇਵ ਅਕਸਰ ਕਹਿੰਦਾ ਹੈ ਕਿ ਉਹ ਅੱਜ ਜਿਸ ਵੀ ਮੁਕਾਮ ‘ਤੇ ਹੈ ਸਿਰਫ਼ ਆਪਣੇ ਪ੍ਰਸ਼ੰਸਕਾਂ ਦੀ ਬਦੌਲਤ ਹੀ ਹੈ। ਜ਼ਿਲ੍ਹਾ ਪਟਿਆਲਾ ਨਾਲ ਸਬੰਧਤ ਇਹ ਹੀਰੋ ਲੰਬੇ ਅਰਸੇ ਤੋਂ ਥੀਏਟਰ ਨਾਲ ਵੀ ਜੁੜਿਆ ਹੋਇਆ ਹੈ। ਫਿਲਮਾਂ ‘ਚ ਆਉਣ ਤੋਂ ਪਹਿਲਾਂ ਉਸ ਨੇ ਕਈ ਸਾਲ ਟੈਲੀਵਿਜ਼ਨ ‘ਤੇ ਵੱਖ-ਵੱਖ ਅਦਾਕਾਰਾਂ ਨਾਲ ਕੰਮ ਕੀਤਾ। ਨਾਮਵਰ ਕਾਮੇਡੀਅਨ ਕਰਮਜੀਤ ਅਨਮੋਲ, ਰਾਣਾ ਰਣਬੀਰ ਤੇ ਭਗਵੰਤ ਮਾਨ ਨਾਲ ਉਹ ਕਈ ਟੀਵੀ ਸੀਰੀਅਲ ਅਤੇ ਡਰਾਮੇ ਕਰ ਚੁੱਕਾ ਹੈ।

ਕਿਸਾਨਾਂ ਲਈ ਹੁਣੇ ਹੁਣੇ ਆਈਮਾੜੀ ਖ਼ਬਰ,ਮੋਦੀ ਕਰਨ ਜਾ ਰਿਹਾ ਹੈ ਇਹ ਵੱਡੀ ਕਾਰਵਾਈ,ਪੂਰੀ ਖ਼ਬਰ ਦੇਖੋ

RCEP ਕਰ ਮੁਕਤ ਸਮਝੌਤੇ ਦੇ ਖ਼ਿਲਾਫ਼ ਕਿਸਾਨ ਸੜਕਾਂ ਉੱਤੇ ਉੱਤਰ ਆਏ ਹਨ। ਇਸ ਦੇ ਵਿਰੋਧ ਵਿਚ ਕਿਸਾਨਾਂ ਵੱਲੋਂ ਅੰਮ੍ਰਿਤਸਰ ਵਿਚ ਰੋਸ ਪ੍ਰਦਰਸ਼ਨ ਕੀਤਾ ਗਿਆ ਤੇ ਕੇਂਦਰ ਸਰਕਾਰ ਦਾ ਪੁਤਲਾ ਸਾੜਦੇ ਹੋਏ ਅੰਮ੍ਰਿਤਸਰ ਅਟਾਰੀ ਮਾਰਗ ਅੱਧੇ ਘੰਟੇ ਲਈ ਬੰਦ ਕਰ ਦਿੱਤਾ ਗਿਆ।

ਕਿਸਾਨਾਂ ਦਾ ਤਰਕ ਹੈ ਕਿ ਜੇਕਰ ਹੋਰਨਾਂ ਦੇਸ਼ਾਂ ਨਾਲ RCEP ਕਰ ਮੁਕਤ ਸਮਝੌਤਾ ਹੁੰਦਾ ਹੈ ਤਾਂ ਕਣਕ, ਝੋਨਾ, ਦੁੱਧ ਤੇ ਫਲ ਸਣੇ ਹੋਰ ਕਈ ਜ਼ਰੂਰੀ ਵਸਤਾਂ ਬਾਹਰਲੇ ਦੇਸ਼ਾਂ ਤੋਂ ਆਉਣਗੀਆਂ, ਜਿਸ ਕਾਰਨ ਭਾਰਤੀ ਮੰਡੀ ਤਬਾਹ ਹੋ ਜਾਵੇਗੀ ਤੇ ਇਸ ਦੀ ਸਿੱਧੀ ਮਾਰ ਕਿਸਾਨਾਂ ਉੱਤੇ ਪਵੇਗੀ।

ਉੱਥੇ ਕਿਸਾਨਾਂ ਨੇ ਕਿਸਾਨਾਂ ਨੂੰ ਸਰਕਾਰ ਨੂੰ ਚਿਤਾਵਨੀ ਦਿੰਦੇ ਹੋਏ ਕਿਹਾ ਕਿ ਜੇਕਰ ਹਕੀਕਤ ਵਿਚ ਇਹ ਸਮਝੌਤਾ ਹੁੰਦਾ ਹੈ ਤਾਂ ਸੰਘਰਸ਼ ਹੋਰ ਤੇਜ਼ ਕੀਤਾ ਜਾਵੇਗਾ। ਕਿਸਾਨ ਸੰਘਰਸ਼ ਕਮੇਟੀ ਪੰਜਾਬ ਦੀ ਅਗਵਾਈ ਹੇਠ ਸੂਬਾ ਕੋਰ ਕਮੇਟੀ ਦੀ ਮੀਟਿੰਗ ‘ਚ ਕੀਤੇ ਫ਼ੈਸਲੇ ਮੁਤਾਬਕ ਸ਼ਨੀਵਾਰ ਨੂੰ ਹਜ਼ਾਰਾਂ ਕਿਸਾਨਾਂ,

ਮਜ਼ਦੂਰਾਂ ਬੀਬੀਆਂ ਅਤੇ ਬਚਿਆ ਨੇ ਸੇਰੋ ਦੇ ਗੁਰਦੁਆਰਾ ਬਾਬਾ ਸਿਧਾਣਾ ਵਿਖੇ ਇਕੱਠ ਕਰਨ ਉਪਰੰਤ ਕੇਂਦਰ ਸਰਕਾਰ ਵਲੋਂ ਲਾਗੂ ਕੀਤੀ ਜਾ ਰਹੀ 16 ਦੇਸ਼ਾਂ ਦੀ ਆਰ.ਸੀ.ਈ.ਪੀ. ਸਮਝੌਤਾ ਨੀਤੀ ਦੇ ਵਿਰੋਧ ‘ਚ ਸੇਰੋਂ ਨਜ਼ਦੀਕ ਨੈਸ਼ਨਲ ਤੇ ਕੇਂਦਰ ਸਰਕਾਰ ਦਾ ਪੁਤਲਾ ਫੂਕ ਕੇ ਮੋਦੀ ਸਰਕਾਰ ਵਿਰੋਧ ਜੰਮ ਕੇ ਨਾਅਰੇਬਾਜ਼ੀ ਕੀਤੀ।

1 ਤੋਂ 3 ਅਕਤੂਬਰ ਤੱਕ ਪੰਜਾਬ ਭਰ ਵਿਚ ਡੀਸੀ ਦਫ਼ਤਰਾਂ ਦਾ ਘਿਰਾਉ ਕੀਤਾ ਜਾਵੇਗਾ ਤੇ ਲੋੜ ਪੈਣ ਉੱਤੇ ਰੇਲ ਆਵਾਜਾਈ ਠੱਪ ਕੀਤੀ ਜਾਵੇਗੀ। ਪੰਜਾਬ ਦਾ ਕਿਸਾਨ ਪਹਿਲਾਂ ਹੀ ਆਰਥਿਕ ਮੰਦੀ ਨਾਲ ਜੂਝ ਰਿਹਾ ਹੈ ਤੇ ਖੁਦਕੁਸ਼ੀਆਂ ਕਰਨ ਲਈ ਮਜਬੂਰ ਹੈ ਤੇ ਇਹ ਸਮਝੌਤਾ ਹੋਣ ਨਾਲ ਕਿਸਾਨਾਂ ਨੂੰ ਦੋਹਰੀ ਮਾਰ ਝੱਲਣੀ ਪੈ ਸਕਦੀ ਹੈ।

ਹੁਣੇ ਹੁਣੇ ਆਈ ਬਹੁਤ ਵੱਡੀ ਖ਼ਬਰ,ਸਾਊਦੀ ਅਰਬ ਵਿਚ ਤੇਲ ਦੇ ਪਲਾਂਟਾ ਤੇ ਹੋਇਆ ਹਮਲਾ ਤੇ ਲੱਗੀ ਭਿਆਨਕ ਅੱਗ

ਸਾਊਦੀ ਅਰਬ ’ਚ ਦੁਨੀਆਂ ਸਾਊਦੀ ਅਰਬ ’ਚ ਦੁਨੀਆਂ ਦੀ ਸਭ ਤੋਂ ਵੱਡੀ ਤੇਲ ਪ੍ਰੋਸੈਸਿੰਗ ਕੰਪਨੀ ਅਰਾਮਕੋ ਦੇ ਦੋ ਪਲਾਂਟਾਂ ’ਤੇ ਸ਼ਨਿਚਰਵਾਰ ਨੂੰ ਡਰੋਨਾਂ ਰਾਹੀਂ ਹਮਲੇ ਕੀਤੇ ਗਏ। ਸਾਊਦੀ ਅਰਬ ਦੇ ਅੰਦਰੂਨੀ ਮਾਮਲਿਆਂ ਬਾਰੇ ਮੰਤਰਾਲੇ ਨੇ ਕਿਹਾ ਹੈ ਕਿ ਹਮਲੇ ਕਾਰਨ ਆਲਮੀ ਪੱਧਰ ’ਤੇ ਤੇਲ ਸਪਲਾਈ ਲਈ ਅਹਿਮ ਪ੍ਰੋਸੈਸਰ ’ਚ ਭਿਆਨਕ ਅੱਗ ਲੱਗ ਗਈ। ਇਹ ਹਮਲੇ ਅਬਕੈਕ ਤੇ ਖੁਰਾਇਸ ਤੇਲ ਰਿਫਾਇਨਰੀਆਂ ’ਚ ਹੋਏ ਹਨ। ਇਸ ਨਾਲ ਤਕਰੀਬਨ ਤੇਲ ਦੀ ਅੱਧੀ ਸਪਲਾਈ ਪ੍ਰਭਾਵਿਤ ਹੋਈ ਹੈ।

ਯਮਨ ਦੇ ਹੂਥੀ ਬਾਗ਼ੀਆਂ ਨੇ ਹਮਲੇ ਦੀ ਜ਼ਿੰਮੇਵਾਰੀ ਕਬੂਲੀ ਹੈ। ਗੁੱਟ ਦੇ ਅਲ-ਮਸੀਰਾ ਟੀਵੀ ਨੇ ਕਿਹਾ ਕਿ ਬਾਗ਼ੀਆਂ ਨੇ 10 ਡਰੋਨਾਂ ਨਾਲ ਵੱਡਾ ਹਮਲਾ ਕੀਤਾ ਤੇ ਪੂਰਬੀ ਸਾਊਦੀ ਅਰਬ ’ਚ ਅਬਕੈਕ ਅਤੇ ਖੁਰਾਇਸ ’ਚ ਰਿਫਾਇਨਰੀਆਂ ਨੂੰ ਨਿਸ਼ਾਨਾ ਬਣਾਇਆ। ਹਮਲੇ ’ਚ ਕਿਸੇ ਜਾਨੀ ਜਾਂ ਤੇਲ ਉਤਪਾਦਨ ’ਚ ਨੁਕਸਾਨ ਬਾਰੇ ਕੁਝ ਸਪੱਸ਼ਟ ਨਹੀਂ ਹੋ ਸਕਿਆ।

ਇਸ ਹਮਲੇ ਨਾਲ ਫਾਰਸ ਦੀ ਖਾੜੀ ’ਚ ਤਣਾਅ ਵਧਣ ਦੇ ਆਸਾਰ ਹਨ ਕਿਉਂਕਿ ਅਮਰੀਕਾ ਵੱਲੋਂ ਇਰਾਨ ਨਾਲ ਕੀਤੇ ਪਰਮਾਣੂ ਸਮਝੌਤੇ ਨੂੰ ਰੱਦ ਕਰਨ ਮਗਰੋਂ ਦੋਵੇਂ ਮੁਲਕਾਂ ਵਿਚਕਾਰ ਪਹਿਲਾਂ ਤੋਂ ਹੀ ਟਕਰਾਅ ਚੱਲ ਰਿਹਾ ਹੈ। ਅਬਕੈਕ ’ਚ ਬਣਾਏ ਗਏ ਆਨਲਾਈਨ ਵੀਡੀਓਜ਼ ’ਚ ਗੋਲੀਆਂ ਚੱਲਣ ਦੀਆਂ ਆਵਾਜ਼ਾਂ ਵੀ ਸੁਣਾਈ ਦੇ ਰਹੀਆਂ ਹਨ। ਅਸਮਾਨ ’ਚ ਧੂੰਏਂ ਦਾ ਗੁਬਾਰ ਵੀ ਉਡਦਾ ਦੇਖਿਆ ਜਾ ਸਕਦਾ ਹੈ।

ਅਮਰੀਕੀ ਜਾਂਚਕਾਰਾਂ ਮੁਤਾਬਕ ਬਾਗ਼ੀਆਂ ਦੇ ਨਵੇਂ ਯੂਏਵੀ-ਐਕਸ ਡਰੋਨ ਦੀ ਮਾਰ 1500 ਕਿਲੋਮੀਟਰ ਤਕ ਹੈ। ਸਰਕਾਰੀ ਮੀਡੀਆ ਦੀਆਂ ਰਿਪੋਰਟਾਂ ਅਨੁਸਾਰ ਅਜੇ ਤੱਕ ਇਹ ਸਪੱਸ਼ਟ ਨਹੀਂ ਹੋ ਸਕਿਆ ਕਿ ਇਸ ਹਮਲੇ ਲਈ ਕਿਸ ਕਿਸਮ ਦੇ ਡਰੋਨ ਦੀ ਵਰਤੋਂ ਕੀਤੀ ਗਈ ਹੈ। ਦੋਵਾਂ ਥਾਵਾਂ ’ਤੇ ਅੱਗ ’ਤੇ ਕਾਬੂ ਪਾ ਲਿਆ ਗਿਆ ਹੈ ਤੇ ਇਨ੍ਹਾਂ ਹਮਲਿਆਂ ਦੀ ਜਾਂਚ ਸ਼ੁਰੂ ਕਰ ਦਿੱਤੀ ਗਈ ਹੈ।

ਅਕਾਲੀ ਦਲ ਤੇ ਬੀਜੇਪੀ ਵਿਚਾਲੇ ਬਾਦਲ ਨੇ ਲਾਇਆ ਫੈਵੀਕੋਲ ਦਾ ਪੱਕਾ ਜੋੜ

ਦੇਸ਼ ਭਰ ਵਿੱਚ ਵੱਡੀ ਜਿੱਤ ਹਾਸਲ ਕਰਨ ਮਗਰੋਂ ਬੀਜੇਪੀ ਪੰਜਾਬ ਵਿੱਚ ਵੀ ਹੱਥ-ਪੈਰ ਮਾਰ ਰਹੀ ਹੈ। ਚਰਚਾ ਹੈ ਕਿ ਬੀਜੇਪੀ ਅਗਲੀਆਂ ਵਿਧਾਨ ਸਭਾ ਇਕੱਲੇ ਤੌਰ ‘ਤੇ ਲੜ ਸਕਦੀ ਹੈ। ਪੰਜਾਬ ਬੀਜੇਪੀ ਜਾਂ ਤਾਂ ਅਕਾਲੀ ਦਲ ਤੋਂ ਬਰਾਬਰ ਸੀਟਾਂ ਲੈਣ ਜਾਂ ਫਿਰ ਇਕੱਲੇ ਮੈਦਾਨ ਵਿੱਚ ਨਿੱਤਰਣ ਲਈ ਪਰ ਤੋਲ ਰਹੀ ਹੈ। ਇਸ ਤੋਂ ਕੁਝ ਅਕਾਲੀ ਲੀਡਰ ਔਖੇ ਵੀ ਹਨ। ਮੀਡੀਆ ਵਿੱਚ ਚਰਚਾ ਸੀ ਕਿ ਸ਼੍ਰੋਮਣੀ ਅਕਾਲੀ ਦਲ ਦੇ ਪ੍ਰਧਾਨ ਸੁਖਬੀਰ ਬਾਦਲ ਸਥਾਨਕ ਲੀਡਰਾਂ ਦੀ ਬਿਆਨਬਾਜ਼ੀ ਮਗਰੋਂ ਅਮਿਤ ਸ਼ਾਹ ਨੂੰ ਮਿਲਣਗੇ।

ਦੂਜੇ ਪਾਸੇ ਅਕਾਲੀ ਦਲ ਦੇ ਸਰਪ੍ਰਸਤ ਤੇ ਸਾਬਕਾ ਮੁੱਖ ਮੰਤਰੀ ਪ੍ਰਕਾਸ਼ ਸਿੰਘ ਬਾਦਲ ਨੇ ਦਾਅਵਾ ਕੀਤਾ ਹੈ ਕਿ ਉਹ ਕਿਸੇ ਵੀ ਸੂਰਤ ਵਿੱਚ ਬੀਜੇਪੀ ਦਾ ਸਾਥ ਨਹੀਂ ਛੱਡਣਗੇ। ਉਨ੍ਹਾਂ ਆਖਿਆ ਹੈ ਕਿ ਭਾਵੇਂ ਉਨ੍ਹਾਂ ਨੂੰ ਫਾਇਦਾ ਹੋਵੇ ਜਾਂ ਨੁਕਸਾਨ ਪਰ ਉਹ ਇਹ ਸਾਥ ਨਹੀਂ ਛੱਡਣਗੇ। ਹਰਿਆਣਾ ਚੋਣਾਂ ਬਾਰੇ ਉਨ੍ਹਾਂ ਆਖਿਆ ਕਿ ਇਹ ਫ਼ੈਸਲਾ ਸ਼੍ਰੋਮਣੀ ਅਕਾਲੀ ਦਲ ਦੀ ਕੋਰ ਕਮੇਟੀ ਨੇ ਕਰਨਾ ਹੈ ਤੇ ਪ੍ਰਧਾਨ ਨੇ ਮਸ਼ਵਰਾ ਕਰਕੇ ਫ਼ੈਸਲਾ ਲੈਣਾ ਹੈ। ਉਨ੍ਹਾਂ ਦੀ ਨਿੱਜੀ ਰਾਏ ਬੀਜੇਪੀ ਦੇ ਸਾਥ ਦੀ ਹੈ।

ਦਰਅਸਲ ਅਕਾਲੀ ਦਲ ਤੇ ਬੀਜੇਪੀ ਵਿਚਾਲੇ ਰਿਸ਼ਤੇ ਨੂੰ ਜੋੜ ਕੇ ਰੱਖਣ ਵਾਲੇ ਪ੍ਰਕਾਸ਼ ਸਿੰਘ ਬਾਦਲ ਹੀ ਹਨ। ਬੀਜੇਪੀ ਦੀ ਸੀਨੀਅਰ ਲੀਡਰਸ਼ਿਪ ਉਨ੍ਹਾਂ ਦਾ ਕਾਫੀ ਸਤਿਕਾਰ ਕਰਦੀ ਹੈ। ਇਸ ਲਈ ਜਦੋਂ ਵੀ ਪੰਜਾਬ ਦੀ ਲੀਡਰਸ਼ਿਪ ਵਿਚਾਲੇ ਤਰੇੜਾਂ ਆਉਂਦੀਆਂ ਹਨ ਤਾਂ ਬਾਦਲ ਸਿੱਧੇ ਹਾਈਕਮਾਨ ਨੂੰ ਮਿਲ ਕੇ ਸਭ ਠੀਕ ਲੈਂਦੇ ਹਨ। ਇਸ ਲਈ ਅਕਸਰ ਕਿਹਾ ਜਾਂਦਾ ਹੈ ਕਿ ਬਾਦਲ ਦੇ ਹੁੰਦਿਆਂ ਬੀਜੇਪੀ-ਅਕਾਲੀ ਦਲ ਦੇ ਗੱਠਜੋੜ ਨੂੰ ਕੋਈ ਖ਼ਤਰਾ ਨਹੀਂ।

ਵਿਦੇਸ਼ ਤੋਂ ਹੁਣੇ ਹੁਣੇ ਆਈ ਬਹੁਤ ਹੀ ਮਾੜੀ ਖ਼ਬਰ,ਖੂਹ ਚੋਂ ਮਿਲੀਆਂ ਟੁਕੜੇ ਟੁਕੜੇ ਕੀਤੀਆਂ 44 ਲਾਸਾਂ !

ਮੈਕਸੀਕੋ ਸਿਟੀ (ਬਿਊਰੋ)— ਵਿਦੇਸ਼ ਤੋਂ ਮੈਕਸੀਕੋ ਸਿਟੀ ਵਿਚ ਐਤਵਾਰ ਨੂੰ ਉਸ ਵੇਲੇ ਹੜਕੰਪ ਮਚ ਗਿਆ ਜਦੋਂ 44 ਲੋਕਾਂ ਦੀਆਂ ਲਾਸ਼ਾਂ ਬਰਾਮਦ ਕੀਤੀਆਂ ਗਈਆਂ। ਇਹ ਲਾਸ਼ਾਂ ਜਲਿਸਕੋ ਨੇੜੇ ਖੂਹ ਵਿਚੋਂ ਬਰਾਮਦ ਕੀਤੀਆਂ ਗਈਆਂ ਹਨ। ਜਾਣਕਾਰੀ ਮੁਤਾਬਕ ਇਹ ਲਾਸ਼ਾਂ ਪਲਾਸਟਿਕ ਦੇ 119 ਬੈਗਾਂ ਵਿਚ ਛੋਟੇ-ਛੋਟੇ ਟੁੱਕੜਿਆਂ ਵਿਚ ਲੁਕੋਈਆਂ ਗਈਆਂ ਸਨ।

ਜਿਵੇਂ ਹੀ ਸਥਾਨਕ ਲੋਕਾਂ ਨੂੰ ਇਸ ਜਗ੍ਹਾ ਤੋਂ ਬਦਬੂ ਆਈ, ਉਨ੍ਹਾਂ ਨੇ ਤੁਰੰਤ ਪੁਲਸ ਵਿਚ ਸ਼ਿਕਾਇਤ ਦਰਜ ਕਰਵਾਈ। ਮੌਕੇ ‘ਤੇ ਪਹੁੰਚੀ ਪੁਲਸ ਨੇ ਹੁਣ ਤੱਕ 44 ਲਾਸ਼ਾਂ ਬਰਾਮਦ ਕੀਤੀਆਂ ਹਨ। ਸੁਰੱਖਿਆ ਕੈਬਨਿਟ ਦੇ ਪ੍ਰਮੁੱਖ ਮੈਸੇਡੋਨਿਓ ਤਾਮੇਜ਼ ਗੁਆਜਾਰਡੋ ਨੇ ਕਿਹਾ ਕਿ ਫੌਰੈਂਸਿਕ ਮਾਹਰਾਂ ਨੇ 9 ਲਾਸ਼ਾਂ ਦੇ ਪੂਰੇ ਅਵਸ਼ੇਸ਼ ਅਤੇ 16 ਦੇ ਅੰਸ਼ਕ ਅਵਸ਼ੇਸ਼ਾਂ ਦੇ ਨਾਲ 6 ਸਿਰ ਅਤੇ 6 ਪਿੱਠਾਂ ਦੀ ਖੋਜ ਕੀਤੀ ਹੈ।

ਹਾਲੇ ਵੀ ਕੁਝ ਲਾਸ਼ਾਂ ਦੀ ਖੋਜ ਕੀਤੀ ਜਾ ਰਹੀ ਹੈ। ਅਧਿਕਾਰੀਆਂ ਨੇ ਦੱਸਿਆ ਕਿ ਜਿੰਨੀਆਂ ਵੀ ਲਾਸ਼ਾਂ ਬਰਾਮਦ ਕੀਤੀਆਂ ਗਈਆਂ ਹਨ ਉਹ ਟੁੱਕੜਿਆਂ ਵਿਚ ਹਨ। ਇਨ੍ਹਾਂ ਟੁੱਕੜਿਆਂ ਨੂੰ ਜੋੜ ਕੇ ਉਨ੍ਹਾਂ ਦੀ ਪਛਾਣ ਕਰਨ ਦੀ ਕੋਸ਼ਿਸ਼ ਕੀਤੀ ਜਾ ਰਹੀ ਹੈ। ਉੱਧਰ ਇਕ ਸਥਾਨਕ ਸੰਗਠਨ ਨੇ ਲਾਪਤਾ ਹੋਏ ਲੋਕਾਂ ਨੂੰ ਲੱਭਣ ਲਈ ਸਰਕਾਰ ਨੂੰ ਅਪੀਲ ਕੀਤੀ ਹੈ।

ਉਨ੍ਹਾਂ ਨੇ ਕਿਹਾ ਕਿ ਸਰਕਾਰ ਨੂੰ ਉੱਥੇ ਕੁਝ ਹੋਰ ਮਾਹਰ ਭੇਜਣੇ ਚਾਹੀਦੇ ਹਨ। ਜ਼ਿਕਰਯੋਗ ਹੈ ਕਿ ਇਸ ਤੋਂ ਪਹਿਲਾਂ ਵੀ ਮੈਕਸੀਕੋ ਸਿਟੀ ਵਿਚ ਕਈ ਲਾਸ਼ਾਂ ਬਰਾਮਦ ਕੀਤੀਆਂ ਜਾ ਚੁੱਕੀਆਂ ਹਨ। ਇਸ ਸਾਲ ਵੱਡੀ ਗਿਣਤੀ ਵਿਚ ਲਾਸ਼ਾਂ ਮਿਲਣ ਦੀ ਇਹ ਦੂਜੀ ਘਟਨਾ ਹੈ।